စိန်

ကမ္ဘာပေါ်တွင် ကျောက်မျက် ရတနာ အမျိုးပေါင်း ၁၂၀ ကျော် ရှိသည့်အနက် စိန် သည် အဖိုး အထိုက်တန် ဆုံးသော ရတနာ တစ်မျိုးဖြစ်၏။ 

စိန် သည် လူတို့၏ လက်ဝတ်ရတနာ တန်ဆာများ အတွက်သာမက စက်မှုလုပ်ငန်း များတွင်လည်း အရေးပါ သည့် ပစ္စည်းတစ်မျိုးဖြစ်သည်။ မာခြင်း အဆင့် အမြင့်ဆုံးဖြစ်သည်။ အဆင့် ၁၀ ၌ ရှိသဖြင့် မာခြင်းအဆင့် အမြင့် ဆုံးဖြစ်ပြီး စိန် ကို ကျောက်မျက်ရတနာ များ၏ ဘုရင် ဟု ခေါ်စမှတ်ပြုကြသည်။

ထူးခြားသည့် တောက်ပ လင်းလက်မှု
============================
လက်ကိုင် အိတ်ဆောင် မှန်ဘီလူး (10x lens)နှင့် စိန် ကိုကြည့်လျှင် စိန် ၏ ပင်ကိုယ် အလင်းရောင်ဖြင့် တဖိတ် ဖိတ်တောက်ပနေသည် ဟု ထင်မှတ်ရသည်။ သို့ရာတွင် စင်စစ် ထို အလင်းရောင်သည် စိန် ၏ ပင်ကိုယ် အလင်းရောင် မဟုတ်ပေ။ 

အလင်းရောင်သည် ရေ၊ ဖန်ထည် ပစ္စည်း စသည်တို့တွင် ဖြတ်သန်း သွားသောအခါ မူလ လမ်းကြောင်းမှ အနည်းငယ် ယိမ်းယိုင် သွားတတ်သည်။ အလင်းရောင် သည် စိန် ကိုဖြတ်သွားသော အခါတွင်မူ ပိုမိုယိမ်း ယိုင်သွားလေ့ ရှိသည်။ 

ထို့ကြောင့် အကွက်ဖော် ထားသော စိန် ၏ မျက်နှာပြင်ပေါ်သို့ သက်ရောက်လာသည့် အခါ အလင်းရောင် သည် အပြင်ဘက် သို့ တစ်မဟုတ်ချင်း ထွက် မသွားဘဲ အတွင်းသို့ ရိုက်ဟပ် သွားသည်။

တစ်ဖန် ထို အလင်းရောင်သည် စိန် ၏ အတွင်း၌ပင် အဆင့်ဆင့် အနည်းငယ်စီ ယိမ်းယိုင် သွားပြီး နောက် ဆုံး မှသာ အပြင် သို့ ထွက်သွားသည်။ စိန် ကို အလင်းရောင်အောက်တွင် ထုတ်ထားသော အခါ စိန် အတွင်း ၌ အလင်းရောင် ခိုအောင်းလေ့ ရှိရာ ထိုသို့ ခိုအောင်းနေသည့် အလင်းရောင် က ပင်လျှင် စိန် ကို အရောင် တဖိတ်ဖိတ် တောက်ပစေသည်။ 


ထိုသို့ အရောင် တဖိတ်ဖိတ် တောက်ပလျက်ရှိသော စိန် သည် ဓာတ်သဘော အလို အားဖြင့် ကာဗွန် (Carbon) မျှသာ ဖြစ်သည်။

 ရှေးပဝေသဏီ အချိန်က ကမ္ဘာမြေ အတွင်း၌ ရှိသည့် ကာဗွန် သည် အပူရှိန် ကြီးမားခြင်းကြောင့် အရည် ဘ၀ တွင် တည်နေခဲ့၏။ ထိုသို့ တည်ရှိနေစဉ် အထက် မှ အလွန်ကြီးမားသော ဖိအား သက်ရောက် လာ မှုကြောင့် မည်းနေသော ကာဗွန် ဘ၀ မှ အဖိုးတန်သော စိန် ဘ၀သို့ ပြောင်းလာခဲ့သည်။

လူတို့ လက်လှမ်း မီရာသို့ စိန် ရောက်ရှိလာပုံ
=================================
သိပ္ပံပညာရှင် တို့က စိန် သည် ကမ္ဘာ့ မျက်နှာပြင်အောက် မိုင် ၈၀ မှ ၁၂၅ မိုင်ခန့် နက်သော မြေလွှာများ အကြား ၌ စတင်ပေါ်ခဲ့၍ သာ ထို အရပ်ရှိ ပြင်းထန်သော ဖိအားနှင့် အပူရှိန် တို့ကြောင့် ထိုမျှ မာကျောနေ ရခြင်းဖြစ်သည်ဟု ကောက်ချက် ချကြသည်။ 

သို့သော် နက်ရှိုင်း လှစွာသော အရပ် ၌ မွေးဖွား ခဲ့သော စိန် တို့သည် လူတို့ လက်လှမ်း မီသော အနက်သို့ မည်သို့ မည်ပုံ တက်ရောက် လာကြသည်ကို အစ ပထမ နားမလည်ခဲ့ ကြချေ။ မကြာသေးမီ ကမှ အမေရိကန် သိပ္ပံ ပညာရှင် တစ်ဦး ၏ သုတေသနပြုချက် အရ စိန် တို့ မြေလွှာ အပေါ်ပိုင်း သို့ တက်လာပုံ ကို ခန့်မှန်း ခဲ့ကြသည်။

သူ ၏ အလိုအရ စိန် တို့သည် အစိတ်စိတ် ကွဲအက်နေသော ကမ္ဘာ့မြေလွှာ များ၏ လှုပ်ရှား မှုကြောင့် ကမ္ဘာ့ အတွင်းပိုင်း ရှိ ရေ၊ ဓာတ်ငွေ့များနှင့် အတူရောကာ မြေလွှာများ အကြားမှ တဖြည်းဖြည်း တက်လာခဲ့ကြ သည် ။ ပြင်းထန်သော ဖိအားဖြင့် အဖိ ခံနေခဲ့ကြရသော ရေပူနှင့် ဓာတ်ငွေ့တို့သည် အပေါ်ပိုင်း သို့ ရောက် လာ သည်နှင့် အမျှ အဖိ ခံနေရမှု တဖြည်းဖြည်း လျော့နည်း လာသောအခါ အပူလွန်ရေ ဘ၀ မှ ရေငွေ့ဘ၀ သို့ ပြောင်းလဲလာခဲ့ကြသည်။ 

 နောက်ဆုံး မြေပြင်ပေါ်သို့ အရောက် တွင် ရေပူ ပန်းကြီးများ ပမာ ပန်းထွက် ကြရာ မြေပြင် ၌ တွင်းကြီးဖြစ်၍ ကျန်ခဲ့သည်။ လေထဲ သို့ ပန်းထွက်နေသော စိန် ပါဝင်သည့် မြေသားကျောက်သား တို့သည် ရေပန်းပြီး အရှိန်သေသွားသော အခါ မြေပြင်ပေါ်သို့ တဖြည်းဖြည်း ပြန်ကျ၍ တွင်းကြီး သည် လည်း မြေစာ များဖြင့် ပြန် ပိတ် မိသွား၏။ ဤနည်းဖြင့် စိန် သည် လူတို့ လက်လှမ်း မီသော အရပ်သို့ ရောက်ရှိလာကြခြင်းဖြစ်သည်ဟု ယူဆကြလေသည်။

စိန်နှင့် အတူ ယှဉ်တွဲ တွေ့ရှိရသော ကျောက်တုံး တို့သည် အခြားကျောက်တုံးတို့ ကဲ့သို့ မဟုတ်ဘဲ လုံးဝန်း ညီညာနေရခြင်း မှာ ကမ္ဘာ့ အတွင်းပိုင်း မှ ပန်းထွက် လာစဉ်က တွင်း ၏ ဘေးပတ်လည် မြေသားများနှင့် အခါခါ ပွတ်တိုက် မိခဲ့ခြင်းကြောင့်ဖြစ်သည်ဟု ယူဆကြသည်။

အချို့စိန်တုံး များတွင် အဏုကြည့် မှန်ဘီလူးဖြင့်သာ မြင်နိုင်သော ရေမှုန် များ၊ မီသိန်း ဓာတ်ငွေ့၊ အီသိုင်း အယ်လ် ကိုဟော စသည့် ဓာတ်ငွေ့များ ရော၍ ပါနေတတ်သည် ကို ကြည့်ခြင်းအားဖြင့် ယင်းဓာတ်ငွေ့များ သည့် စိန်ဖြစ်ပေါ်ရာ ကမ္ဘာ့ အတွင်းပိုင်း မိုင် ၈၀ မှ ၁၂၅ မိုင် အနက် ခန့်၌ ရှိသည်ဟု ယုံကြည်ရလေသည်။

စိန် ထွက်ရှိသော နိုင်ငံများ
====================

စိန် ကို မည်သည့်နှစ် က စတင်တွေ့ရှိသည် ဟု တိတိ ကျကျ မည်သူမျှ မခန့်မှန်းနိုင်သော်လည်း စတင်တွေ့ရှိ သုံးစွဲ ခဲ့သော နေရာ မှာ အိန္ဒိယပြည်၊ ရိုလ်ကွန်ဒါ အရပ် ၌ဖြစ်ပြီး အချိန်မှာ ခရစ်တော် မပေါ်မီ နှစ်ပေါင်း ၈၀၀ ခန့် က ဟု ယူဆရပေသည်။

၁၈ ရာစု ၌ အိန္ဒိယပြည် မှ စိန်တွင်းကြီး များ ကုန်ခမ်းခဲ့ပြီးနောက် စိန် ကို ဘရာဇီးနိုင်ငံ တွင် တွေ့ရှိခဲ့သည်။ သို့သော် ထို တွင်းများမှာ လည်း မကြာမီ ကုန်ခမ်း သွားခဲ့၏။ ယခု အခါ ကမ္ဘာပေါ်တွင် ရလျက် ရှိသော စိန် တို့ အနက် ရာခိုင်နှုန်း (၉၀) မှာ အာဖရိက တိုက် တောင်ပိုင်း မှ ဖြစ်သည်။

ထိုဒေသ တွင် စိန်တွင်း များ တွေ့ရှိပုံနှင့် စပ်လျဉ်း ၍ စိတ်ဝင်စား ဖွယ်ရာ ဖြစ်ရပ်များ ရှိလေသည်။ ၁၈၆၇- ခုနှစ် ခန့်က သြရိန်း (Orange)မြစ်တစ်နေရာ ရှိ ဗိုးဝါး လူမျိုး ကလေး တစ်စု ကစားနေကြစဉ် ကမ်းပေါ်မှ အလွန်လေး ၍ ကျောက်ချဉ်နှင့် သဏ္ဌာာန် တူသည့် ကျောက်တစ်လုံး ကို တွေ့ရှိကြ၏။ 

ထိုကျောက် မှာ အခြားကျောက်စရစ် များထက် ကြီး ၍ အရောင်လည်းတောက်ပသောကြောင့် ထို ကလေး တစ်စု သည် ထိုကျောက် ကို မိမိတို့ မိခင် ထံသို့ ယူဆောင်ကာ ပြသကြသည်။ မိခင်ဖြစ်သူ က အိမ်နီးနား ချင်းဖြစ်သူ ဗန်နီကပ် ဆိုသူကို တစ်ဆင့်ပြ၍ ထိုသူက ကုန်သည် တစ်ဦးအား ရောင်းခိုင်းရာ ပေါင် ၅၀၀ ရရှိခဲ့၏။

၂-နှစ် ခန့်ကြာသော အခါ သိုးကျောင်းသား တစ်ဦး ထံ၌ ထူးခြားစွာ အရောင် လက်လျက် ရှိသော ကျောက် တစ်လုံး ရှိကြောင်း ကြားသိရ သဖြင့် ဗန်နီကပ် သည် ထိုသူ ထံသို့ သွားရောက်ခဲ့ ၏။ နောက်ဆုံး ၌ သူသည် ထိုကျောက် ကို သိုး ၅၀၀၊ ကျွဲနွား ၁၀ ကောင်နှင့် မြင်း တစ်ကောင်ပေး၍ ၀ယ်ခဲ့ပြီး လျှင် ကုန်သည် တစ်ဦး အား ရောင်းရာ ပေါင်(၁၁၀၀၀) ရရှိ ခဲ့သည်။ ထို စိန်မှာ အရိုင်း ဘ၀တွင် (၈၃.၅) ရတီ ရှိ၏။ ထို့နောက် တွင် ဒပ်ဒလီ (Dudley) ဟူသော အမည်ဖြင့် ထင်ရှားလာ၏။

ဤ သတင်းများကြောင့် ကမ္ဘာ အရပ်ရပ် မှ လူ တို့သည် စိန်ဖြင့် စီးပွားရှာ ရန် စိတ်ဝင်စား လာကြပြီးလျှင် အာဖရိကတိုက် သို့ လာရောက် ၍ စိန်တွင်းများ ကို ရှာဖွေကြ၏။ ထိုအချိန် မှ စ၍ တောင်အာဖရိက စိန်တွင်း များသည် ယနေ့တိုင် ကမ္ဘာကျော်နေပေသည်။

စိန် အသုံးဝင်မှု
==========
လူ တို့သည် စိန် ကို ကျောက်မျက် ရတနာ အဖြစ် အသုံးပြုကြသည် သာမက အလွန် မာကျောသောကြောင့် စက်မှုလုပ်ငန်းများတွင် ပါ အသုံးပြုလာကြသည်။ စိန် ကို ဖန်၊ မှန်၊ ကြွေထည် များကို ဖြတ်တောက် ရာတွင် လည်းကောင်း၊ သွားပေါက် ဖာရာတွင် အသုံးပြုသည့် စက် များတွင်လည်းကောင်း၊ နာရီ အတွင်းရှိ ဘယ်ရင် များတွင် လည်းကောင်း၊ ရေနံတွင်း များ တူးသည့် အခါ လွန်သွား အဖြစ်လည်းကောင်း၊ အရောင် တင်ရာတွင် လည်ကောင်း အသုံးပြုကြသည်။

ထို့ပြင် စိန် ကို အခြားသော နေရာ အများအပြား၌ လည်း အကျိုးရှိစွာ အသုံးချနေသည်။ သောကြာဂြိုဟ် (Venus) ကို စူးစမ်း ရာ၌ ကမ္ဘာပေါ်တွင် ထက် အဆ တစ်ရာ များသော ဖိအားနှင့် ၉၂၀ ဖာရင်ဟိုက် ဒီဂရီမျှ ရှိသော အပူဒဏ် ကို ခံနိုင်ရန် အတွက် အာကာသယာဉ် ၏ ပြတင်းပေါက် ကို စိန်ဖြင့် ပြုလုပ်ခဲ့ရသည်။ 

ခွဲစိတ် ကိရိယာ များကို စိန်ဖြင့်ပြုလုပ် ပါက အသားမျှင်များ အား လိုသည်ထက် ပို၍ မပေါက်ပြဲစေခြင်း ၊ နှုတ် ခမ်း သားများ မှာ ဖွာလန်ကြဲ မနေဘဲ တိတိ ရိရိ ရှိခြင်းတို့ကြောင့် မျက်လုံး အတွင်း တိမ် ကို ခွဲရာတွင် စိန် ထိပ်ဖူး တပ် ခွဲစိတ် ကိရိယာ များကို သုံးကြသည်။

စိန် ၏ အခြား သတ္တိထူး တစ်မျိုးမှာ အပူဓာတ် တို့ကို ကောင်းစွာ စုပ်ယူနိုင်ခြင်းဖြစ်သည်။ ထို့ကြောင့် ကြယ် များ ၏ အပူချိန် ကို တိုင်းတာရာ ၌ စိန် ကို အသုံးချရသည်။ စိန်ပြတင်းပေါက် တပ်ထားသော နက္ခတ်ကြည့် မှန်ပြောင်း ကို လေယာဉ်ဖြင့် သယ်ဆောင်ပြီး အမြင့်ပိုင်း သို့ ရောက်သော အခါ ကြယ် အလင်းရောင်ကို မှန်ပြောင်း အတွင်း ရှိ စိန်ပြတင်းပေါက် ကို ဖြတ်သန်းစေရမည်။ 

ကြယ် အလင်းရောင် ၏ အပူဓာတ် မှာ အလွန်တရာ မှ အားလျော့လှသော်လည်း ယင်း အပူဓာတ် ကိုပင် စိန် က စုပ်ယူကာ အပူချိန် တိုင်းတာရေး ကိရိယာ သို့ ပို့လွှတ်ပေးခြင်းဖြင့် ကြယ် တို့ကို လေ့လာကြသည်။
ထို့ပြင် လေယာဉ်ပြေးလမ်း များ ချောမွတ်နေပါက လေယာဉ် ဘီးချော် ပျက်စီးနိုင် သဖြင့် လမ်း တစ်လျှောက် မြောင်း ငယ် များဖော်ပေးသော ကိရိယာ များ၌ မာကျောသော သတ္တိ ပိုင်ရှင် စိန် ကို မသုံးလျှင် မဖြစ်ချေ။

အရည်အသွေး ကို တိုင်းတာပုံ
======================

စိန် ၏ အရည်အသွေး ကို အင်္ဂလိပ် အက္ခရာ ဖြစ်သော စီ(C)လေးလုံးဖြင့် မှတ်သားကြသည်။ ၄င်းတို့မှာ
၁ ။ အရောင် (Colour)
၂။ ကာရက်ချိန် (Caret weight)
၃။ သန့်စင်မှု (Clarity)
၎။ သွေးကွက် (Cut) တို့ဖြစ်ကြသည်။

စိန် ၏ အရောင်များ ခွဲခြားပုံ
================

စိန် ၏ အရည် အသွေး ကို တိုင်းတာသည့် စံနှုံးများ အနက် အချက် တစ်ချက်ဖြစ်သည့် အရောင်ကို ဦးစွာ ရှင်း လို ပါသည်။ စိန် ၏ အရောင်ကို အင်္ဂလိပ် အက္ခင်္ရာ များဖြင့် သတ်မှတ်ကြပြီး အင်္က္ခရာ ဒီ (D) မှ ဇတ် (Z) အထိဖြစ် ပါသည်။


အဆင့် ဒီ (D)ဖြစ်သည့် အရောင် မှာ အရောင်မဲ့ဖြစ်ပြီး အဆင့် ဇတ်(Z) မှာ အ၀ါဖြစ်ကာ အလှ ၀တ်ထက် ဖန်စီဝတ် အဖြစ်သာ သုံးစွဲ တတ်ကြသည်။ အရောင် ပါဝင် ရခြင်း မှာ စတင် ဖွဲ့စည်းဖြစ်တည်စဉ် ကတည်း က ကာဗွန်ဒြပ်စင် တွင် အခြားသောဒြပ်များ ရောနှော ပါဝင် လာခဲ့ခြင်းကြောင့်ဖြစ်သည်။

 နိုက်ထရိုဂျင်ဒြပ်စင် အနည်းငယ် ပါဝင်ခဲ့လျှင် အ၀ါရောင် သန်းပြီး၊ ဘိုရွန်ဒြပ်စင် ပါဝင်လျှင် အပြာရောင် သန်း သွားသည်။ ထိုကဲ့သို့ ဒြပ်စင် များသာ မကပဲ အခြား ကျောက် အစိုင်အခဲ လိုက်ပါအောင်း ၀င် ဧည့်ကျောက် အဖြစ် ပါဝင်သည် ကို လဲ ရှားပါးစွာ တွေ့ရတတ်သေးသည်။ အထူး သဖြင့် စိန် အတွင်းတွင် ပါဝင်လေ့ ရှိ သည့် အစိုင်အခဲ မှာ ကျောက်မျက်တန်း မ၀င်သော်လည်း အတန်အသင့် လူကြိုက်များ သည့် ဇာဂွန် (Zircon)ဂေါ်မိတ် ဖြစ်တတ်ပါသည်။

ကာရက်ချိန်
=========
စိန် ၏ တန်ဖိုး ကို သတ်မှတ်ပေးသည့် အခြား အချက်မှာ အလေးစီးချိန် ပင်ဖြစ်သည်။မြန်မာ့ဈေးကွက်တွင် ၄လုံးစီး၊ ၈လုံးစီး အစရှိသဖြင့် နားရည်ဝကြသည်။ အမှန်တွင် ကမ္ဘာ သုံးသော စိန် ၏ အလေး ယူနစ်မှာ ကာရတ် (Caret)ဖြစ်သည်။ ကာရတ်ချိန် များသည်နှင့် အမျှ ဈေးနှုံး မှာလည်း ဆပွားမြင့်တက် သွားလေ့ရှိ သည်။

ဥပမာ အားဖြင့် တစ်ကာရတ် အလေးချိန် ရှိသည့် စိန် တစ်ပွင့်၏ တန်ဖိုးမှာ ဒေါ်လာ တစ်ထောင်ဖြစ်လျှင် ၄င်းနှင့် အရည်အသွေး တူသည့် အလေးချိန် နှစ်ကာရတ် စိန် ၏ တန်ဖိုးမှာ ဒေါ်လာ သုံးထောင်ကျော်သွား ပါသည်။

သန့်စင်မှု
========
စိန် ၏ သန့်စင်မှုပြပုံ
သန့်စင်မှုမှာ လည်း စိန် ၏ဈေးနှုံး ကို သတ်မှတ်သည့် အချက်တွင် အပါအ၀င်ဖြစ်သည်။ အတွင်းနှင့် အပြင် မျက်နှာပြင်များ ပါ အပြစ်အနာ ကင်းပြီး အရည်အသွေး အကောင်းဆုံး စိန်မှာ ရှားပါး လှသည် ဖြစ်ရာ တန်ဖိုး ထားသည်မှာ မဆန်းပေ။ 

စိန် ၏ အတွင်းတွင် အောင်းဝင် သည့် လေပူပေါင်းလေးများ၊ အပ်ဖျား တစ်ထောက်စာ အနာလေးများ၊ အမျှင် တန်းလေးများ အစ ရှိသည့် အချက် များ အပါအ၀င် မျက်နှာပြင် များပေါ်တွင်လည်း မလိုလား အပ်သည့် အနာ အစာ၊ ခြစ်ရာများ အစရှိသည် တို့ကို အသေးစိတ် ရှာဖွေပြီး မှသာ သင့်တော်သည့် တန်ဖိုး ကို သတ်မှတ် ကြခြင်းဖြစ်သည်။ 

ထိုသို့ရှာဖွေ ရာတွင် အသုံးပြုသည့် စမ်းသပ် ကိရိယာမှာ ၁၀ဆ ချဲ့ လက်ကိုင်အိတ်ဆောင် မှန်ဘီလူး (10xLens) (Loap) ဖြစ်သည်။ အကယ် ၍ အဆိုပါ အိတ်ဆောင် မှန်ဘီလူး ငယ်ဖြင့် စစ်ဆေးကာ အပြစ်အနာ ကင်းလျှင် ထို စိန် ကို အပြစ်အနာ ကင်းသောစိန် (Loapcleam သို့မဟုတ် 10xclean) ဟု သတ်မှတ်သည်။ ဓာတ်ခွဲ စမ်းသတ်ခန်း များတွင် မူ ထို အဆင့်မျှ မကပဲ အနုစိတ် မှန်ဘီလူး (Microscope) ဖြင့် အသေးစိတ် စစ်ဆေးပါသည်။

 သွေးကွက်
========
သွေးကွက် မှာလည်း အလွန် အရေးပါသည့် အချက်ဖြစ်သည်။ အရောင်တောက်ပသည့် စိန် အတွက် အတောက်ပ ဆုံးသော အလင်းပြန်မှုမျိုး ကို ရရှိပြီး ဆွဲဆောင်အားကောင်းနိုင်ရန် သွေးကွက် က ထိန်းချုပ် ပုံဖေါ်ပေး သည်။ 

ကမ္ဘာပေါ်တွင် အထင်ရှားဆုံးသွေးကွက် မှာ ဘယ်လ်ဂျီယံသွေးကွက် ခေါ် ဘရီးလီးယမ့်သွေးကွက် (Brilliant cut)ဖြစ်သည်။  ထိုသွေးကွက် အပြင် ရရှိသည့် စိန် အရိုင်းတုံး ၏ အရွယ်နှင့် ပုံသဏ္ဏန် အနေအထား ၊ ဖောက် သည် ၏ အကြိုက် တို့ကို လိုက်၍သွေးဖြတ်ကြပါသေးသည်။ 

 တွေ့ရှိရတတ်သည့် သွေးကွက် ပုံများ မှာ မျက်ရည် စက်ပုံ(pear shape) ၊လှေပုံ (သို့မဟုတ်) ကျစုသီး ပုံ(Boat / marquise shape cut)၊ မင်းသမီးပုံ (စတုရန်းကွက်ပေါ်အခြေခံသည့်ပုံ) (Princess cut)၊ ဘဲဥ ပုံ(Oval shape)၊ အသဲပုံ (Heart shape) အစရှိသည် တို့ဖြစ်ကြသည်။

 မြန်မာ့နည်း အယူအဆ
==================
ကမ္ဘာ တစ်ဝန်း ရှိ ဂမ္ဘီရ ပညာရှင်များ က စိန် သည် ချစ်ခြင်း မေတ္တာ ၏ သင်္ကေတ (symbol of love) ဟု ယူဆ သည်။ ထို့ကြောင့် ချစ်ရသော သူအား ချစ်သက်သေ အဖြစ် စိန် လက်ဝတ်ရတနာ ကို ဝယ်ယူ လက်ဆောင် ပေးပြီး အချစ် ကို ဖော်ကျူး မှတ်ကျောက်တင်၏။ 

လက်ထပ် လက်စွပ် ကို စိန်နှင့် ပြုလုပ်ကာ ဝတ်ဆင်စေ၏။ စိန် သည် symbol of wealth and success ကြွယ်ဝ ချမ်းသာခြင်းနှင့် အောင်မြင်ခြင်း အမှတ် သင်္ကေတ ဟု လည်း ယူဆနိုင်ပြီး ကြွယ်ဝခြင်း ကို ဖော်ပြရန် စိန် ကို ဝတ်၏။ 

 အောင်မြင်သူ တစ်ဦးဖြစ်ကြောင်း ကြွေးကြော် အောင်ပွဲခံသည့် အနေနှင့် စိန် ကို ဆင်းမြန်းပြီး ဂုဏ်ယူသည်။ ထို့ထက်မက စိန် ဟူသော ရတနာ သည် လူသားတို့အား ကျက်သရေ မင်္ဂလာ ထည်ဝါခြင်းနှင့် ကံကောင်းခြင်း ကို သယ်ဆောင်ပေး သည် ဟူ၍ ယူဆကာ အဆောင်ကျောက် အဖြစ်ဝတ်ဆင်ကြကုန်၏။



ကမ္ဘာတစ်ဝန်း ရှိ လူ တို့သည် စိန် ကို ဝတ်ဆင် သုံးစွဲရန် ဝယ်ယူသော အခါ ဇန်နဝါရိလ တွင် အဓိက ဝယ် ယူလေ့ ရှိသည်။ ဤလ တွင် စတင် ပိုင်ဆိုင်သော စိန်သည် မိမိဘဝ အတွက် ထူးခြားသော ကံကောင်းခြင်း၊ လာဘ်ပွင့် ခြင်း၊ အောင်မြင် ချမ်းသာခြင်းနှင့် ထင်ပေါ် ကျော်ကြားခြင်း ဓာတ်များ ခိုအောင်းနေသည်ဟူ၍ ယူဆလေ့ ရှိသည်။ ၎င်း အပြင် ဇန်နဝါရီ လ မွေးသော သူ အားလုံး တို့၏ ရတနာ လက်ဝတ် အဆောင် ကျောက် သည် စိန် ဖြစ်သည်။

ဇန်နဝါရီ (January) ဟူသော လ ၏ အမည်သည် JANUS အမည် ရှိသော အနောက်တိုင်း ဒဏ္ဍာရီ မှ နတ်ဒေဝတာ ၏ အမည် ကို စွဲယူ မှည့်ခေါ်ထားသည်။ JANUS နတ်ဒေဝတာ သည် နှစ်ကာလ တစ်ခုကို စတင် ဖွင့်လှစ်ပေးသူ ဖြစ်သည်။

 

 နှစ်ကာလ တစ်ခု ဖွင့်လှစ်သည့် မုခ်ဦး ကို စောင့်ရှောက်သော တံခါးမှူး ကြီး ဖြစ် သည်။ ဦးခေါင်းနှစ်လုံး မျက်နှာနှစ်ဖက်ရှိပြီး တစ်ခုသော မျက်နှာသည် အတိတ်သို့ မျက်နှာမူကာ တစ်ခုသော မျက်နှာသည် အနာဂါတ် တ်ို့ မျှော်ကြည့် မျက်နှာမူ၏။

အတိတ် ကာလ တွင် ကောင်းခြင်း ပြုခဲ့သော သူသည် အနာဂတ် တွင် ထူးခြားစွာ အောင်မြင်မှု တစ်စုံတစ်ရာ ရစေရန် အကြောင်းရှိသော် JANUS သည် အတိတ်၊ အနာဂတ်ကို မျက်နှာနှစ်ဖက် ခေါင်းနှစ်လုံးနှင့် လေ့ လာပြီး နှစ်ဦး ကာလ ၎င်း ပိုင်ဆိုင်သော လ January တွင် စိန် ရတနာကို ပိုင်ဆိုင် ဝတ်ဆင်၏။ ထို စိန် ကို ပိုင်သူ ကား အနာဂတ် တွင် ဘုန်းကံကြီးခြင်းနှင့် အောင်မြင်ခြင်း ကို ရစေသည် ဟူသော အယူအဆ မှ သက် ဆင်းသည်။

စိန် ကို အကျိုး ရှိရှိ ဝတ်ဆင်ပြီး စိန်ကြောင့် ဖြစ်ပေါ်လာသော ကံကောင်းခြင်း ကို ရစေရန် နည်း စနစ် ကျန သေချာ ရန် လိုအပ်ပါ၏။

မည်သူ မဆို စိန်ကို လက်စွပ် အဖြစ် ဝတ်ဆင်ပါက လက်ခလယ် တွင် သာ ဝတ်ဆင်ရမည်။
 ခြွင်းချက် အဖြစ် လက်ထပ် လက်စွပ် ( wedding ring) ကို လက်သူကြွယ် တွင် ဝတ်ပါ။ 
လက်မ တွင် ဝတ်ပါက နာမည်ပျက် ကံဆိုး ၏။ 
လက်ညှိုးတွင် ဝတ်ပါက ဘေးရန် အန္တရာယ်များ ၍ ကြေကွဲရမည်။ 
လက်ထပ် လက်စွပ် မဟုတ်သော အခြား စိန် လက်စွပ် ကို လက်သူကြွယ် တွင် ဝတ် ပါက မနာလိုသူ၊ ရန်သူပေါများမည်။ စကားတင်း ပြောဆို ခံရတတ်သည်။ 
လက်သန်း တွင် ဝတ်ပါက လာဘ်ပိတ်၊ ငွေမမြဲ၊ လုပ်သမျှ အခက်အခဲကြုံတတ်၏။ လက်ခလယ် တွင် ဝတ် ပါ က အလွန်ကောင်း၏။


 

စိန် ကို တန်းစီ ၍ သော်လည်းကောင်း ဝန်းဝိုင်း ၍ သော်လည်းကောင်း၊ အလုံးရေများစွာ သုံး၍ လက်ဝတ် ရတနာပြုသော် မ ဂဏန်း အရေအတွက် ၁၊ ၃၊ ၅၊ ၇၊ ၉၊ ၁၁၊ ၁၃၊ ၁၅၊ ၁၇…… စသည့် အရေတွက်နှင့် ပြုလုပ် ရမည်။ စုံ ဂဏန်းပြု ပါက ခိုက်တတ်၏။

စိန် ကို မဟူရာနှင့် တွဲ၍ လက်ဝတ် ရတနာ မပြုအပ်။ အခြားသော ရတနာ ကျောက်နှင့် တွဲ၍ ပြုနိုင်၏။ အခြား ရတနာ တွဲပါက အခြားကျောက် ကို အလယ် ထားပြီး စိန်နှင့် ရံခြယ်ကာ ဝတ်ရမည်။ စိန် ကို အလယ် ထားပြိး အခြားကျောက်နှင့် ရံပါက ဝယ်သူ တွင် ခိုက်တတ်သည်။

 

စိန် တွင် ရှိသော သိဒ္ဓိဓာတ် အား ကောင်းစေရန် စိန် ဝတ်ဆင်သော သူသည် စိန် ကို ဆေးကြော သန့်စင်ခြင်းပြု ဖို့ အချိန် (၅) ချိန် ရှိပါသည်။

-ဝတ်ဆင်သူ ၏ မွေးနေ့ နံနက် ၇ နာရီ  မှ ၉ နာရီ အတွင်း
- တနင်္ဂနွေနေ့ နံနက် ၆ နာရီ  မှ ၇း၃၀ နာရီ  အတွင်း
-တနင်္လာနေ့ နံနက် ၇း၃၀ နာရီ မှ ၉ နာရီ အတွင်း
-ဗုဒ္ဓဟူးနေ့ နံနက် ၇ နာရီ မှ ၉ နာရီ  အတွင်း
-သောကြာနေ့ နံနက် ၇း၃၀ နာရီ မှ ၉ နာရီ အတွင်း 

 ဖော်ပြပါ ငါးရက် မှ တစ်နေ့နေ့ သည် လပြည့်နေ့နှင့် တိုက်ဆိုင် ပါက သတ်မှတ် ထားသော အချိန်တွင် စိန် ကို သိဒ္ဓိဖွင့် ရပါမည်။ ဆိုလိုသည် မှာ အင်္ဂါနေ့ မွေးသော သူ တစ်ဦးသည် ပြက္ခဒိန် တွင် အင်္ဂါနေ့နှင့် လပြည့်နေ့ တိုက်ဆိုင်သော နေ့ ၏ နံနက် ၇ နာရီ  မှ ၉ နာရီ  အတွင်း မိမိ ဝတ်ဆင်သော စိန် ကို ဆေးကြော သန့်စင်ခြင်း ပြုရမည်။ 

လပြည့်နေ့ သည် တနင်္ဂနွေ၊ တနင်္လာ၊ ဗုဒ္ဓဟူး၊ သောကြာနေ့ တို့နှင့် တိုက်ဆိုင် ပါက ၎င်းနေ့ အသီးသီး၏ ပူးတွဲ ဖော်ပြပါ အချိန် အတွင်း သန့်စင်ခြင်း ပြုရမည်။
 
စိန် ကို ဆေးကြော သန့်စင်သော အခါတွင် နွားနို့စိမ်း စစ်စစ်နှင့် (၂၁) ကြိမ်ဆေး ရမည်။ ၎င်းနောက် တရော် ကိုးထုံး၊ ကင်ပွန်း ကိုးဆစ်နှင့် ပြုဆောင် ထားသော ရေ တွင် (၂၁) ကြိမ်ဆေးပါ။ တရော်ကင်ပွန်း မရှိပါက သန့်စင်သော ရေ တွင် အမွှေးနံ့သာ (ရေမွှေး) နှင့်ရော၍ ဆေးကြောရမည်။ 

၎င်းနောက် စိန် ကို ကတ္တီပါ အနီပေါ်တွင် တင်ထားပြီး စိန် ရှေ့တွင် အမွှေးတိုင် သုံးတိုင်ထွန်းပါ။ ထို့နောက်မှ ဝတ်ဆင်ပါ။ စိန် ၏ ထူးခြားသော တန်ခိုး အာနိသင်ကို ထင်ရှားစွာ ရရှိပါလိမ့်မည်။ ဆရာစံ-ဇာဏီဘို ၏ အယူ အဆဖြစ်ပါတယ်။

ဗဟုသုတပေါ့

ကျန်းမာချမ်းသာကြပါစေ

မင်္ဂလာပါ ခုလိုအားပေးတဲ့အတွက် အထူးကျေးဇူးတင်ပါတယ်... လိုအပ်တာများရှိပါက.. C-Box နှင် Comments မှာရေးထားခဲ့ပါ..အကောင်းဆုံးမဟုတ်ရင်တောင်မှ . အတတ်နိုင်ဆုံး ကြိုးစားပြီး ကူညီ မျှဝေတင်ပေးသွားပါမည်... 
 ကျွန်တော်တင်သမျှပိုစ့်တွေ Facebook မန်ဘာဝင်ခဲ့ခြင်းဖြင့် ပိုစ့်အသစ်တင်တိုင်း မိမိ Gmail ထဲကိုတိုက်ရိုက်ရောက်ရှိမည်ဖြစ်ပါသည်။ ထို့ကြောင့်မန်ဘာဝင်ခဲ့ဖို့ဖိတ်ခေါ်ပါတယ်။ {Facebook Like } ကနေရယူချင်တယ်ဆိုရင် နှိပ်ပါ။


ညောင်ညိုသားလေး Computer နည်းပညာ နှင့် Software ပြန်လည်းမျှဝေခြင်း { ဒီမှာ } သွားလိုက်ပါ